1. الأول لازم تعرفإن الشوكة والسكينة بينمسكوا من إيديهم من الطرف يعني مو من الوسط ولا من البوز متل الخنجر ولا من فوق طبعًااا
2. الخبز .. أوعى تفضحنا وتقطعه بسنانك ولا الرغيف نصين بأيدك وكل نص لقمة وعلى دحش أوعى.. الخبز بيتقطع بالسكينة بالصحن.. وبعدين بتاخد لقمة.. لقمة.. بالزور قال يعني نفسك مسدودة.. اضغط على أعصابك جدااا وبعدين لما تروَّح.. إبقى حِشّي متل ما بدك....
3. الشوووربة أبوس كعب رجلك.. بند الشوربة مهم جدًاااا.. الشوربة بتنشرب من غير صوت أبداً.. ومن غير ماتقعد تنفخ فيها.. متل صبي النارة تبع الأركيلة اللي بينفخ في الفحم للزبون.. وطبعًاااااا بدي تنسى تمامًا الطاسة اللي بتحطها على تمك في البيت وتشرشر على حالك.. بالمعلقه وبدون صوت.. سخنة .. نار ... كمان بدون صوت.. وبتترك تلت الطبق ع الأقل.. مو تميله.. منشان تلهطها لآخر نقطة.....
5. المعكرونة.. الاسباكتي كمان بالشوكة.. بتنلف على طرف الشوكة.. لحد ما تخلص وبعدين تحطها ف تمك عالسكت.. مو تشفط المعكرونة عود عود..
6. السمك مشكلة.. شوف.. بتفصل اللحم عن الشوك. شلوووون..؟؟ تقطع اللحم من النص.. بالطول وبعدين تفرد اللحم ع الجانبين ولما تخلص ناحية.. ما تقلب السمكة.. بلا فضايح.. شيليالسلسلة بالشوكة والسكينة وحطها جنب الصحن وكمل أكل النص التاني.. وبدال الفيلم الهندي هاد.. نصيحة.. ما تاكل السمك أبداً.. قول مابحب السمك ونفد حالك..
7. البطاطا سواء مسلوقة أو مقلية أوعى تهرسها وترميها ع الرز ويللا..... لا..لآ...لآ...بالشوكة قطعة قطعة وإنت متل ما تكون راح تبكي من كتر ما البطاطا صعبانة عليكي..
8. الفاكهة.. لو الفاكهة فيها بذر طلعه من تمك على مهل وحطه ف إيدك وهي مسكرة وبعدين في طفاية السجاير اللي على الطاولة.. أوعي ياحبيبي من نظام التفتفة للبذر.. إ...نسى
9. ولما تخلص أكل .. بتحط إيدك على بطنك -اللي عصافيرها عمتزقزق من العيّنات والنماذج اللي أكلتها-.. وتقول مو معقول.. أنا عمري ما انفجعت هيك.. أنا قدامي أسبوع.. ما راح آكل فيه.....
وبعدين تمسك الفوطة اللي دايمًا موجودة ع الطاولة من غير لزوم.. وتبوسها.. قال يعني بتمسح تمك..
وبعدين تستأذن منها لدخول التواليت وبتدخل التواليت وبتطالع من الجيبة المخفية تبعك.. صندويشة الفلافل اللي جايبها معك وبالهنا والشفااااااااااااا --
