تدرى حبيبى وش حصل ستعة فراكك

Admin 650 20/11/2009 المزاج : رايقة كتير كتير

تدري حبيبي وش حصل/ساعة فراقك وش جرى
	جاني شعورٍ مااحبكه/بالوصف مااقدر اوصفه
كني بزير(ن) مع هله/في البر ما معه اقصرى
	داله ولاعنده شغل/ماغير ايناقز في اجرفه
لاعارف(ن)ولاااا دَرس/لا دارس(ن)ولاااا قرى
	عند الغنم عند الحطب/ والذود حبه يشعفه
ينقز على الجرف العصر/والصبح يحفر بالثرى
	شقاوته اكبر فرح /مبسوط محد ٍ يعرفه
وفي يوم من الايام جاه/ورعان ٍ مطغيها الثرى
	ناس(ن) فيها الترف زايد/ابوها ربي ترّفه
ويومين عنده اجلسوا / ياقل نومه في الكرى
	سعادته ماتنوصف / همومه عنه امحذفه
وعصرية الجمعه رحيل / رحيل وصدره انفرى
	قفوا وعينه اذرفت / مشوا ودمعه يغرفه
توحّش عقبهم وضاق/وحيد وجرحه مابرى
	وياشينها عصريته / ساعة هموم(ن) مقرفه
وتذكر امسه والعصر / ليته يعوّد للورى
	وياساعة الفرقى عليه/عز الله انها مسرفه
والهم في صدره عَلَق/كنه ملصق بالغرى
	بلش بوقته بِلش بِلش/مايدري كيف ايصرفه
هذي شعوري ياالغلا/والليل عندي ماسرى
	صابر على همي صبر/والدم جرحي ينزفه
الله يلعن الهوى / وحظ ٍ معك باع وشرى
	نخل ٍ زرعته واندمر / ماالله قسم لي اخرفه
درب الهوى درب ٍ كليف/ تشابهه طلعة كرى
	وانا من اول مستريح/والقلب مالله مكلفه
لبستني ثوب الهموم/وكسيتني بعد العرى
	ياشين ثوبك يالغضي /كسيف وربي كسفه

» تدرى حبيبى وش حصل ستعة فراكك
» اهداء الى حبيبى و
» شنو اخبارك حبيبى
» حبيبى احبك ♥